任何年齡都可以報讀再進修嘅澳洲MBA課程

最近多咗人想去澳洲升學，我哋都收到好多學生對唔同程度嘅課程查詢。所以今日就想同大家講解下其中一個喺澳洲升學好熱門，同埋適合唔同年齡層人士都可以報讀嘅碩士課程 — 工商管理課程（MBA）。

我哋成日都聽到人話去讀番個MBA進修下，到底咩係MBA呢？其實MBA嘅全名係 Master of Business Administration，即係工商管理學碩士學位。一般學生讀完MBA之後，都可以將學到嘅金融技能同知識應用到佢哋嘅日常業務管理上面，等佢地可以喺領導層面做到更好嘅決策，從而提高公司嘅運營效率。但係澳洲提供MBA課程嘅院校有好多，究竟各有啲咩特色同分別？今日小編就同大家介紹兩間性價比比較高嘅院校啦！

托倫斯大學係澳洲嘅一間私立大學，校園分佈喺澳洲四大城市，包括：悉尼、墨爾本、布里斯本同埋阿德雷德。而且大多數嘅校園都位於市中心附近，搭公共交通工具就可以去到的地方，非常方便。

托倫斯大學提供嘅MBA課程要讀兩年，同學仔可以揀係五月或者九月開學。 而且申請人唔需要有相關嘅背景同資歷，只要有大學學士學位或同等學歷，IELTS考到6.5分就可以報讀。仲有另外一個入學方法，就係直接考大學嘅入學試，只要夠分嘅話就可以連IELTS都唔洗考添！

根據官方資料，海外留學生兩年嘅學費係56,960澳元，大約係33萬港幣。 但如果而家報讀2022年布里斯本校園開辦嘅課程嘅話，仲可以申請埋留學生獎學金，最多可以減免30%學費！

開普蘭國際學院（KBS）係澳洲嘅一間私立高等教育學院，一樣喺好多大城市都有佢地嘅校園，包括阿德萊德、布里斯本、墨爾本、珀斯同悉尼。

KBS提供嘅MBA課程一樣要讀兩年，但就可以揀係三月、七月、九月或者十一月開學， 相對嚟講彈性比較大。 同樣申請人唔需要有相關嘅背景同資歷， 只要有大學學士學位或同等學歷，而且IELTS考到6分就可以報讀，比托倫斯大學嘅要求低少少。KBS一樣都有提供大學入學試，申請人通過咗嘅話都一樣唔洗考IELTS！

官方資料顯示，海外留學生兩年嘅學費係47,880澳元，大約等於27萬港幣。但同學仔一樣可以申請留學生獎學金減免學費。

根據澳洲政府嘅資料顯示，當局估計未來全國對市場營銷同分析嘅需求會繼續急劇增長。不論學生畢業之後任職Marketing Manager定係Management Consultant，平均年收入都可以達到$80,000澳元。加上擁有MBA學位之後其實可以投身好多唔同嘅行業，所以發展前景可以話係非常好！

因為澳洲政府上年開設咗特別嘅移民方案，令到持有香港特區護照或者BNO嘅香港人而家可以最快5年就申請到澳洲永居權（Permenant Resident, PR）。而其中一個最快可以申請到PR嘅方法， 就係透過去澳洲升學。

香港學生喺澳洲讀完兩年以上嘅大專或職訓課程， 畢業後只要考到特定嘅 IELTS 英文成績同通過職業評估（ 只適用於報讀職訓課程嘅學生），就符合資格可以申請 Hong Kong Stream 嘅485畢業工作簽證。而持有485畢業工作簽證嘅香港人只要喺偏遠地區住夠3年，就已經可以申請PR，踏上移民澳洲嘅第一步。

但要留意嘅係，485畢業工作簽證規定只有50歲以下嘅人士先可以申請。所以如果想用MBA行升學再移民澳洲嘅話，大家一定要早啲開始計劃，或者搵我哋嘅升學移民顧問諮詢下！

總括嚟講，喺澳洲讀書嘅移民前景非常好。

希望透過今次嘅簡介，令有興趣繼續進修嘅大家都對澳洲嘅MBA課程有多咗認識同了解～

如果有其他對於喺澳洲留學或者同簽證相關嘅問題，都歡迎透過思安官方Whastapp聯絡我哋，我哋會安排專業嘅顧問團隊同你進行免費諮詢！