澳洲廚藝課程 — 無相關學歷或經驗都可以報讀

澳洲政府上年專門為香港人開設咗特別嘅移民方案，令到喺澳洲升學嘅學生而家可以最快5年就申請到澳洲永居權（Permenant Resident, PR）。

香港人除咗可以透過讀大學或者碩士課程成為澳洲留學生之外，其實報讀2年以上嘅廚藝、甜品或者幼兒教育職訓課程，都可以申請到澳洲嘅學生簽證。

職訓學生畢業後，達到埋其他條件，例如考到特定嘅 IELTS 英文成績同埋過咗澳洲職業評估，就符合資格可以申請 Hong Kong Stream 嘅485畢業工作簽證。

當學生嘅485畢業工作簽證獲批之後，只要喺偏遠地區住夠3年，就已經可以申請PR，踏上移民嘅第一步。所以今日小編就想同大家講解下其中一個喺澳洲好熱門嘅職訓課程 — 廚藝證書課程。

大部份澳洲嘅課程都會要求要學生有一定程度嘅英文能力，有啲科目仲要考到比較高嘅 IELTS 分數先可以入讀。但大部份嘅廚藝課程入學要求都唔包括 IELTS 成績，換句話講，本身英文唔太好嘅學生都可以透過呢個渠道有機會移民澳洲。

而且除咗語言上嘅要求唔太高之外，廚藝證書課程嘅整體入學門檻都比其他職訓課程低。一般學員都唔需要有任何相關學歷，或者工作背景都可以報讀廚藝課程。

而且根據移民局發布嘅移民職業清單，西餐主廚 “Chef” 係被歸類為中長期移民清單（MLTSSL）入面，屬於可以做職業評估、繼而申請485 畢業工作簽證嘅職業之一。

由於澳洲嘅餐飲業喺近年急速發展，所以學員畢業之後亦有好多工作機會。

根據澳洲政府嘅資料顯示，當局估計未來全國唔同城市都會對廚師嘅需求急劇增長，澳洲統計局更加預計，廚師嘅就業機會將會喺五年內增幅接近兩成。

另一個喺澳洲做廚師嘅優點，就係行內嘅薪酬待遇都非常之唔錯。PayScale網站資料顯示，西餐主廚嘅平均年收入可以達到$66,028澳幣。

485 畢業工作簽證係香港人申請移民嘅路途上非常重要嘅一步。

因為基本上喺現時嘅香港人特別方案入面，只要一批咗485簽證，同埋喺澳洲境內住夠一定年數（悉尼、墨爾本、布里斯本四年； 其他所有地區三年），不論你年收入幾多、或者做咩類型嘅工作，都已經符合條件可以申請澳洲PR。

總括嚟講，喺澳洲讀書、成為廚師嘅移民前景非常好。

希望透過今次嘅簡介，令有興趣想成為廚師，或者係想移民嘅大家都對澳洲嘅職訓課程有多咗認識同了解～

如果有其他對於喺澳洲留學或者同簽證相關嘅問題，都歡迎透過思安官方Whastapp聯絡我哋，我哋會安排專業嘅顧問團隊同你進行免費諮詢！